女生理財靠自己

理財資訊 2022.01.05

女生們！而家哩個女性財致獨立自主嘅年代，理財當然都要靠自己啦～
如果妳哋能夠持續做到以下4點，相信妳哋一定唔需要為錢而閉翳！

1. 訂立理財目標

做每件事嘅第一步就係要訂立目標，當然理財都一樣，想要管理好自己嘅財富，第一件事就係要訂立理財目標！

而訂立理財目標嘅時候，必須要夠具體、貼地同實際，set得太離地嘅話，咁只會係「得個想字」；仲有就係要set一個期限，否則只會俾人類嘅墮性無限延長目標，而失去咗理財嘅動力。俾一個簡單例子大家，以一個月入萬幾嘅打OL嚟講，「我要半年內儲到3萬蚊買dream包包！」就係一個具體同貼地嘅理財目標喇。

除咗買股票等金錢上嘅投資之外，女生們更加要投資喺自己身上，時時刻刻增值自己，大家不妨好好利用疫情期間留喺屋企嘅時間嚟學多種語言同技能，除咗可以豐富自己嘅生活之外，分分鐘將來可以靠佢嚟賺取額外收入添！

小編都明白當女仔見到靚嘅衫同精品都會好衝動想即刻擁有佢哋，但往往單純因為「想擁有」就係咁買買買，不知不覺間就洗大咗。所以買嘢前要一定三思、三思、三思！

大家可以試吓「延遲消費」，俾自己一個48～72小時嘅「冷靜期」，之後冷靜啲諗吓自己係咪真係仲咁想擁有，或者咁有需要去買，一定要分清楚「想要」同「需要」，避免盲目消費同成為月光族呀！

近年電子支付逐步流入香港，加上最近疫情問題，大家都少咗出街，多咗喺屋企網購、用外賣app叫外賣…而就算出街通常都會偏向使用電子支付，以避免身體同現金接觸。

電子支付的確係超級方便，但大家有冇發現最近每個月嘅支出比之前多咗？咁係因為冇「現兜兜」拎現金出嚟俾錢，冇咗一種實實在在俾錢出去嘅感覺。所以就算用電子支付都好，最好定時做好記帳，避免過度支出。

仲要記得keep住預留一筆「預備金」或「應急錢」，咁就一定唔洗為錢而閉翳啦～